Tasyakuran Millad "Ridho" ajang Reuni TE05 'ers

Tanggal 3 Maret 2009 merupakan hari yang penting buat sohib aye "Abank Ridho". Karena saat ntu die lagi ulang tahun alias millad ke 23 th (wew...masih muda ntu Bank Ridho). Orang boleh tertipu pada mata, tapi hati tidak (kate Bapak Jangkung Raharjo....Dosen faporitnye STT neh, faporit aye juge...he...he...). Kata2 ini tepat buat Abank Ridho, karena die ntu tampangnya kaya udeh usia 29th tapi ternyate ntu orang masih 23th.

Berawal dari kompor "abank Adham" sebagai propokator, akhirnye diadain juge perayaan Millad abank Ridho pade tanggal 4 Maret 2009. Dari hasil ngemeng2 ame rekans Te05, disepakati kite kumpul di plaza Semanggi (ntu plaza ade di Sudirman depannye Komdak---> yang sering nglanggar lalu lintas mesti tau ntuh Komdak).

Khan kite kaga enak neh kalo cuman dateng, makan trus pulang. Biar abank Ridho inget ame kite2 neh, akhirnya aye kebagian buat beli ntu kado buat abank Ridho (yang kaga ade gawean di kantor). Akhirnya aye ngajak mpo' Efi, yang kaga ada gawean juga di kantor buat cari kado di Ambassador. Setelah puyeng muter2 Ambassador, mulai dari ITC ampe ntu Mall akhirnye kite dapet juga ntu kado buat abank Ridho (susah bo' cari kadonya, soalnya ukuran baju abank Ridho double XL, kaga ada ntu ukuran, jadi ye kita beliin yang ukuran XL (Xuper Longgar)---> kalo kaga cukup khan jadi seksi ntu abank).

Pas sorenya kite kumpul di Plaza Semanggi. Akhirnye neh, peserta yang ikut meramaikan suasane, aye urutin dari yang pertame dateng neh :
1. Abank Adham dan Nyonye (Lia), ame kawan Nyonye bank Adham (Ayu-TE03). Mereka pade dateng ntu naik taksi. Trus mereka pake seragam ntu, lagi jualan roti Bakeri ye??? eh salah... ma'ap neh beda rupanye Bakeri ama Bakrie.
2. Berikutnye mpo' Iden ame mpo' Enok, mereka dateng naik taksi juge. Makanye mpo' Iden keliatan cemberut aje, soalnya pusing, die khan biasanye naik bajaj, eh...trus naik taksi, pusing dah, orang kaga' kuat AC die, apalagi pas liat argo taksi, tambah pusing die. Aduh...mpo' Iden, khan ude di Jakarta hampir 1 tahun, masak tetep kaga kuat naik taksi. Tapi aye salut ntu ama mpo' Iden, demi abank Ridho, die rela naik taksi dan juge rela ninggalin jadwal kursus bahasa Arabnye (maklum, mpo' Iden lagi audisi buat shooting ntu sinetron "Muslimah" bareng Titi Kamal di Indosiar, ntu sinetron khan pake bahasa Arab)
3. Nah yang dateng berikutnye neh orang keren, yaitu aye sendiri...he...he.... Aye ke plaza Semanggi tinggal "ngesot" ditemenin ame mpo' Efi. Tapi sebelumnye berhenti dulu di Komdak buat ngejemput mpo' Yuni. Kasihan mpo' Yuni, jauh2 dari Cikarang buat dateng acaranye abank Ridho lagian die juga belon pernah ke Plaza Semanggi (aduh mpo'2 kemane aje seh selama ini?).
4. Peserta udah pade berdatengan ntu, dan kite pada duduk di pood court nye Semanggi. Tapi yang punye acare belon dateng. Waduh gimane neh.... Untungnye 15 menit berikutnye abank Ridho dateng. Ternyate meeting dulu ame pendor ye bang? Biarpun abank Ridho dateng pake seragam kaya ntu mpo' Lia ame mpo' Ayu (TE03) tetep aje abank Ridho kaga keliatan rapi (sorry bang, ini pendapat aye..he..he..). Tetep kacau, tapi ya gitu dah ciri khasnye abank Ridho.
5. Biarpun yang lagi millad udeh dateng, kite masih nunggu 1 orang lagi ntuh. Die tuh abis tanding tinju kemaren, yaitu abank Chris Jhon. Ternyate abank Chris Jhon datengnye telat, soalnye dia manjat Tower dulu (waduh...gara2 kalah tinju jadi alih propesi gini, jadi pemanjat Tower). Tapi mantep...waktu abank Chris Jhon dateng, die yang paling oke (he..he.. ini pendapat pribadi jadinye ye...). Tapi ma'ap aje bank Jhon ye, karena datengnya die telat, ya...die kaga kebagian poto2. Jadi ntar ente poto sendiri aje ye bang bareng bank Ridho.

Yah...ntuh semue peserta yang hadir di tasyakuran abank Ridho. Awalnye sih aye pikir kite bakalan makan di yang ade tulisannye gitu, kaya Shabu Tei, Duck King, Sholaria... eh ternyate kita berakhir makan di ayam goreng Fatmawati. Soalnya abank Ridho ntu kaga doyan makanan mahal, kaya Pizza Hutt (cepet kaya ntuh orang jadinye). Tapi yang penting seh kumpul2nye ntu. Kaya lagunye Slank, "makan ga makan asal kumpul".

Oh iye... terakhir, yang kaga' bisa dateng ntu :
1. Abank Ahmed, maklum die jauh... di Arab oey... Jadi kaga' mungkin ke Jakarta cuma buat makan di Semanggi. Bise2 dia dateng, kite udah pade bubar tuh. Lagian makan ama die harus berlabel "halal".
2. Berikutnye yang kaga' bisa nongol, abank Wayan. Katenye sih banyak kerjaan, lagian dari Pondok Indah ke Semanggi ya...jauuuh. Jadi abank Wayan pikir2 lagi buat dateng. Selain ntuh, perusahaannye om Ericks, jarang yang pulang cepet, pade pulang malem semue. Saingan dah ama Banci (banci aje pulang pagi ntuh).
3. Terakhir neh... abank Asas Vanjaitan. Kalo die nih awalnye udah kasih konpirmasi mau dateng, ternyate apa mau dikate. Dia banyak orderan jahitan di Wisma Mulia. Jadi deh dia pulang malem, kaga' bisa ikutan nih acare. Waktu aye konpirm lagi malemnye...die masih belon pulang dari Wisma Mulia, soalnya masih ngejahit ame bosnye (waduh, bank Asas, ngejahit apaan ntuh ama si "Bos").

Ya gitu dah cerita kumpul2 syukurannye bank Ridho... Thanks ye Bank Ridho.
Ini aye pake bahase Sunde kaga ape2 khan Bang???
Soalnye ini khan nyeritain acaranye bank Ridho...